ادلعها وولعها

**▓▒صافي النوايا▒▓** · 12-25-2007, 03:18 صباحاً

بعد ماقابلتني عاتبوها
على شوف الحبايب حاسبوها

خذوها وأبعدوها غصب عني
وعن وجهة طريقي جنّبوها

وشالوها عن عيوني غصيبه
عواذل وأغصبوني وأغصبوها

خذوها من يديني شوف عيني
وعن عيني تعدّوا وأحجبوها

كلام وصدّقوا بالبنت كذبه
وهم اللي من أول كذّبوها

وهم وشدخلهم في مال بيّن
لبوها والخلايق طالبوها

وفيّه لاتخون ولاتعاند
جسوره والمواعيد أرعبوها

ملاكٍ كامله والكامل الله
ولكن العواذل عذربوها

وهي كلما دعتني تشتكي لي
عن اللي سالفتنا سرّبوها

تخاف وتلتفت مع كل كلمه
تظن أن العواذل راقبوها

تلفّت من عقب ماهي جريئه
شجاعه ماتهاب وهيّبوها

وأهدّيها وأنا حاير وثاير
مصيبه ياعذابٍ عذبوها

وهم كلما خذوها عن طريقي
تراهم صوب قلبي قرّبوها

وأنا ماتعّبت قلبي خيانه
خيانه رتّبوها وأحسبوها

ولا يعجز خفوقي لايقابل
جفا من حاربوه وحاربوها

وأنا لي عزّة ٍ تفرض عليّه
أخاطب بالجفا من خاطبوها

وأكسر لوحة الماضي وأزيله
وأخرّبها مثل ماخرّبوها

وأذوّقهم ندم ماصار فيها
وأشرّبهم من اللي شرّبوها

وأدلّعها وأولّعها بنفسي
وأشرٌّقها بعد ماغرّبوها

وأعوّضها عن اللي راح كله
وعن ذيك الليالي كلّبوها

غلاها بالحشى لازال ثابت
ولو حتى بغيري حبّبوها

وغلاي بقلبها مرّ وتعدى
غلاها لأمها ولا لأبوها

**Fahad** · 12-29-2007, 04:09 مساءً

مشكور على القصيدة ويعطيك العافية

**▓▒صافي النوايا▒▓** · 12-29-2007, 04:31 مساءً

الله لا يحرمنا من طلتك

اشكرك اخوي على مرورك

تحياتي لك

**ملكـ الطيبه** · 12-29-2007, 06:55 مساءً

بسم الله الرحمن الرحيم
صح لسانك اخوي
وانا باقي على الوعد
ولا يمكن انسى صافي النوايا

**▓▒صافي النوايا▒▓** · 12-29-2007, 08:58 مساءً

ابو فواز

هذا العشم فيك والله

اشكر لك مرورك العطر

لك مني التحايا

**همسات** · 12-29-2007, 11:52 مساءً

صح لسانك

مشكور على قصيدة رائعة

ننتظر المزيد من ابياتك

تقبل مرورى

**عظيم الشوووق** · 12-30-2007, 12:02 صباحاً

وأذوّقهم ندم ماصار فيها
وأشرّبهم من اللي شرّبوها
يازين الحكي بس لاحكى
صافي يفزخافقي بالشوق
واجيك بطويف تحاكي
احلومك
اقول ماغير صحيت فينا الشوق
وطلعة من وسط المحاني (شاعر)
يعطيك الف عافية

**▓▒صافي النوايا▒▓** · 12-30-2007, 05:16 مساءً

همسات

اشكرك على مرورك

والله لا يخلينا

**▓▒صافي النوايا▒▓** · 12-30-2007, 05:18 مساءً

تسلم عظيم

لا تحرمنا

تحياتي

**ALsamorai.x7** · 12-30-2007, 07:50 مساءً

كلمات زي العسل
يا عسل
يعطيك العافية اخوي

أدوات الموضوع
عرض نسخة للطباعة إرسال إلى صديق
طرق عرض الموضوع
العرض العادي انتقال إلى العرض المتطور انتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

(عرض الكل) الأعضاء الذين شاهدوا هذا الموضوع: 0
هذا الموضوع لم يشاهده أحد إلى الآن.